वीरगन्ज,२०असार:सरकारले किसानले बिक्री गर्ने धानको मूल्य बढाएर नयाँ न्यूनतम मूल्य तोकेको छ ।
बिहीबार साँझ बसेको मन्त्रिपरिषद् बैठकले आगामी आर्थिक बर्ष २०८१/०८२ का लागि कृषि र उद्योग मन्त्रालयको सिफारिसमा मोटा धानको मूल्य प्रति क्विन्टलकाे ३ हजार ४ सय १० रुपैयाँ ५१ पैसा र मध्यम धानको न्यूनतम समर्थन मूल्य प्रति क्विन्टल ३ हजार ५ सय ८० रुपैयाँ ६२ पैसा तोकेको हो ।
नयाँ मूल्यअनुसार मोटा धान प्रतिक्विन्टलमा २१२ रुपैयाँ र मध्यम धानको मूल्य २१८ रुपैयाँले बढेको छ ।
गत वर्ष सरकारले मोटा धान प्रतिक्विन्टल ३ हजार १ सय ५८ रुपैयाँ र मध्यम धानको प्रतिक्विन्टल मूल्य ३ हजार ३ सय ६२ रुपैयाँ तोकेको थियो ।
सरकारले आर्थिक वर्ष २०७९/८० मा मोटा धानको समर्थन मूल्य प्रतिक्विन्टल २ हजार ९ सय ६७ रुपैयाँ र मध्यम धानको मूल्य प्रतिक्विन्टल ३ हजार १ सय २८ रुपैयाँ ताेकेकाे थियो ।
अहिले धान रोपाइँ चलिरहेकै बेला तोकिएको धानको न्यूनतम मूल्यले किसानलाई लाभ मिल्ने विश्वास गरिएकाे छ।