वीरगन्ज,१४असारः बाराको कलैयास्थित रामराजा मोहनबिक्रम साह बहुमुखी क्याम्पसका प्रमुख हरिभुषण कुशवाहाकोे हत्यारालाई कारबाहीको माग गर्दै क्याम्पसका विद्यार्थी , प्राध्यापक लगायतले शुक्रबार कलैयामा प्रदर्शन गर्दै धर्नापनि दिएका छन् ।
क्याम्पसका विद्यार्थी, उनिहरुका अभिभावक, प्राध्यापक, क्याम्पस सञ्चालक समितिका सददस्य र नागरिक समाजका अगुवाहरुले शुक्रबार कलैयास्थित जिल्ला प्रहरी कार्यालय अगााडि नाराबाजीसहितको प्रदर्शन गर्दै धर्नाापनि दिएका हुन् ।
क्याम्पस प्रमुख कुशवहाको हत्या भएको दुई हप्ता बितिसक्दापनि प्रहरीले हत्यारहरुलाई कारबाहीका गर्न चासो नलिएको भन्दै उनिहरुले प्रदर्शन गरेका हुन् ।
क्याम्पस प्रमुख कुशवाहाको गत जेष्ठ ३२ गते बाराकै आदर्श कोतवाल गाँउपालिका वडा नम्बर २ बतरामा हतियारधारी समुहले गोली हानी हत्या गरेको थियो ।
कुशवाहाको हत्यामा संलग्न रहेको भन्दै प्रहरीले ७ जनालाई नियन्त्रणमा लिएर अनुसन्धान गरिरहेको भन्दै गत मंगलबार प्रेस विज्ञप्ति जारी गरेको थियाो । तर प्रहरीले जारी गरेको उक्त प्रेस विज्ञप्तिमा उल्लेख नामका व्याक्तिहरु हत्यामा संंलग्न रहे नरहेको बारे प्रहरीले स्पष्ट खुलाएको थिएन । उनिहरु विरुद्ध अनुसन्धान भइरहेको प्रहरीको भनाई छ । हत्यामा संलग्नहरुको पहिचान खुलीसकेको र पक्राउ परिसकेको भएपनि प्रहरीले अझैसम्म हत्यामा अज्ञात समुहको संलग्नता रहेको भन्दै बताउँदै आएपछि प्रहरीकोे चौतर्फी आलोचना हुदैं आएको छ ।