Madhes Khabar
अन्तर्राष्ट्रिय

तेश्रो पटक प्रधानमन्त्रीको शपथ लिएपछि मोदीको पहिलो निर्णय : किसानलाई २० हजार करोड दिने

काठमाडौं,२८जेष्ठःआइतबार बेलुकी तेश्रो पटक प्रधानमन्त्रीको सपथ लिएपछि भारतीय प्रधानमन्त्री नरेन्द्र मोदीले सोमबार बिहानदेखि आफ्नो तेस्रो कार्यकाल सम्हालेका छन् ।

दिल्लीस्थित साउथ ब्लकस्थित आफ्नो कार्यालय पुगेर मोदीले आफ्नो तेस्रो कार्यकालको सुरुवातमा किसानका लागि दिने किसान निधी अन्तर्गतको रकम दिने निर्णयमा हस्ताक्षर गरेको भारतीय मिडियाले उल्लेख गरेका छन् ।

मोदीले किसान निधिको २० हजार करोड रुपैयाँ भारतका ९ करोड ३० लाख किसानलाई वितरण गर्ने निर्णय गरेका हुन् । मोदी सरकारको तेस्रो कार्यकालको पहिलो मन्त्रिपरिषद् बैठक पनि सोमबार नै बस्दैछ ।

सरकारले मन्त्रिपरिषद् बैठकमा पनि केही ठूला निर्णय गर्न सक्ने विश्वास गरिएको छ । सरकारले मन्त्रिपरिषद् बैठकअघि सबै मन्त्रीलाई मन्त्रालय बाँडफाँड गर्ने बताइएको छ ।आइतबार मोदीसहित ३० क्याबिनेट मन्त्री र ४१ राज्यमन्त्रीसहित ७२ जनाले शपथ लिएका थिए ।साभार ः खबरहब

Related posts

गाजा सीमा नजिकका सबै सहरलाई कब्जामा लिएको इजरायली सेनाकाे दाबी

MadhesKhabar

गंगा नुहाउन हिंडेका तीर्थयात्री सवार ट्याक्टर दुर्घटना हुदाँ २२ जनाको मृत्यु

MadhesKhabar

युपी : प्रहरीकै सुरक्षा घेराभित्रै अतिक अहमदकाे गाेली हानी हत्या

MadhesKhabar

Leave a Comment