बारा,२३बैशाखःबाराको पथलैयाबाट प्रहरीले राजश्व छली (तस्करी) को आशंकामा ४८ लाख भन्दा बढी मूल्यको मालसामान लोड रहेको एउटा मालवाहक ट्रक नियन्त्रणमा लिएको छ ।
वीरगन्जबाट काठमाडौं जाँदै गरेको ना ६ ख ८०३२ नम्बरको ट्रक शनिबार पथलैयामा रोकेर प्रहरीले चेकजाँच गरेको थियो । त्यसक्रममा उक्त ट्रकबाट बिल भरपाई भन्दा बढी मुल्यको हार्डवेयर पार्टस् र अन्य खुद्रा सामान गरी ४८ लाख ४९ हजार २१६ रुपैयाँ बराबरको सामान बरामद गरिएको जिल्ला प्रहरी कार्यालय बाराले जनाएको छ ।
सामानसहितको नियन्त्रणमा लिइएको ट्रक आवश्यक कारवाहीको लागी राजश्व अनुसन्धान कार्यालय पथलैयामा बुझाईएको बाराका प्रहरी नायब उपरक्षिक दधिराम न्यौपानेले जानकारी दिए ।