मधेसखबर
वीरगन्ज ,१९ असाेज : रौतहटको चन्द्रपुर नगरपालिका ३ गैडाटार गाउँमा जिपको ठक्करबाट एक युवकको मृत्यु भएको छ ।
गैंडाटारबाट चन्द्रनिगाहपुर तर्फ आउँदै गरेको प्र.२–०३–००१ च १९४४ नम्बरको पिकअप जिपले मंगलबनर राति ठक्कर दिदा पैदल यात्री स्थानिय ३३ वर्षिय ईमान सिंह थिङको मृत्यु भएको ईलाका प्रहरी चन्द्रनिगाहपुरका प्रहरी नायब उपरीक्षक सन्तु जैसवारले बताए । दुर्घटना लगत्तै जिप र चालकलाई प्रहरीले नियन्त्रणमा लिएकाे छ ।
प्रहरीका अनुसार जिपको ठक्करबाट घाईते थिङलाई तत्कालै उपचारको लागि चन्द्रनिगाहपुर अस्पतालमा लगिएकाेमा चिकित्सकले मृत घोषित गरेका थिए । मृतकका आफन्तले आफ्नै साईडमा हिडेका थिङलाई चालकको लापरबाहीले गलत दिशामा पुगेर ठक्कर दिएको बताएका छन्।
प्रहरी नायब उपरीक्षक जैसवारले पिकअप चालक चन्द्रपुर ६ तल्लोबजारका किशोर साह बानियालाई नियन्त्रणमा लिएर अनुसन्धान भइरहेकाे बताए ।