वीरगन्ज,१०बैशाखः वीरगन्ज भन्सार कार्यालय अगाडि बाटै सशस्त्र प्रहरीले भन्सार छलीका १५ लाख भन्दा बढी रुपैयाँ मूल्यका सामान र दुई वटा सवारीसाधन नियन्त्रणमा लिएको छ।
भन्सारमा खटिएको सशस्त्र प्रहरीको प्रस्तावित सीमा सुरक्षा गुल्मको टोलीले शनिबार र आइतबार गरी दुईदिनमा भन्सार अगाडिबाट १५ लाख ३४ हजार ४६६ रुपैयाँ मूल्य बराबरका भन्सार छलीका सामान बरामद गरेको हो ।
भारतबाट लिएर आउँदै गरेको सामान भन्सार राजश्व नतिरीकन नेपाल भित्रयाउने क्रममा भन्सार अगाडि चेकजाँचमा खटिएको सशस्त्र प्रहरीले कपडा, ईलेक्ट्रोनिक्स, कस्मेटिक, खाद्यान्न, जुत्ता, चप्पल, खेलौना, मोटर पार्टस लगायतका सामान बरामद गरेको सशस्त्र प्रहरी नायब उपरक्षिक सुरज रिमालले जानकारी दिए ।
सामान ओसार्न प्रयोग गरिएका एउटा मोटरसाइकल र एउटा स्कूटरपनि नियन्त्रणमा लिइएको उनले बताए ।बरामद सामान र दुवै सवारीसाधन आवश्यक कारबाहीको लागि वीरगन्ज भन्सार कार्यालयमा बुझाईएको सशस्त्र प्रहरी नायब उपरक्षिक रिजालले जानकारी दिए ।