जनकपुर,४बैशाख:मधेस प्रदेशसभाका सांसदहरू तोडफोडमा उत्रिएका छन् । मंगलबार मुख्यमन्त्री सरोजकुमार यादवले विश्वासको मत लिने बैठक चलिरहँदा जनमत पार्टी र कांग्रेसका सांसदहरू तोडफोडमा उत्रिएका हुन् ।
यसअघि मंगलबार दिउँसो जनमत पार्टीले आफ्ना मन्त्री र सांसदमाथि मुख्यमन्त्री सरोजकुमार यादवकै उपस्थितिमा गत माघ ८ गते राजविराजमा भएको सांघातिक हमलाको संसदीय छानबिन समिति बनाउन माग गर्दै रोस्ट्रम घेराउ गरेपछि प्रदेशसभाको बैठक १० मिनेटका लागि स्थगित भएको थियो ।
त्यसपछि झण्डै पाँच घण्टापछि पुन सुरु भएकाे बैठकमा मुख्यमन्त्री यादवले जनमत पार्टीको विराेधका बाबजुद विश्वासकाे मतका लागि प्रस्ताव पेश गर्न खाेजेपछि जनमत र कांग्रेसका सांसदहरु ताेडफाेडमा उत्रिएको बैठकम सहभागी एक सांसदले बताए ।
जनमत र कांग्रेसका सांसदहरुकाे ताेडफाेडबाट सभामुखकाे माइक, कुर्सी , टेबल र क्यामरामा क्षति पुगेकाे छ ।सत्तापक्ष र विपक्षी जनमतका सांसदहरुबिच हात हालाहाल समेत भएकाे ती सांसदले जानकारी दिए।