काठमाडौं,२७चैतः भारतको उत्तराखण्डस्थित नैनीताल जिल्लामा सवारी दुर्घटना हुँदा ७ जना नेपालीसहित ८ जनाको मृत्यु भएको छ ।९ जना नेपाली सवार गाडी मंगलबार बिहान नैनीताल जिल्लाको बेतालघाट नजिक भएको दुर्घटनामा अन्य दुई जना नेपाली घाइतेपनि भएका छन् ।
मृतक र घाइते नेपालीहरु भारतको बेतालघाटको उँचाकोट भन्ने गाउँमा जलजीवन परियोजनाका काम गर्ने कामदारहरु रहेको भारतीय समाचारमा उल्लेख छ ।
मृतक नेपालीहरूमा ५० वर्षीय विश्राम चौधरी, ४५ वर्षीय धिरज, ४० वर्षीय अनन्तराम चौधरी, ३८ वर्षीय विनोद चौधरी, ५५ वर्षीय उदयराम चौधरी, ४५ वर्षीय तिलक चौधरी र ६० वर्षीय गोपाल बस्नेत छन् ।
मृतक नेपाली सातै जना कञ्चनपुर जिल्लाको महेन्द्रनगर निवासी रहेको भारतीय मिडिया टाइम्स अफ इण्डियाले जनाएको छ । घर फर्किंदै गर्दा उनिहरु सवार रहेको गाडी सडकबाट १५० फिट तल खोंचमा खसेर दुर्घटनामा परेको हो ।दुर्घटनामा उक्त गाडीका चालक भारतीय नागरिक राजेन्द्र कुमारकोपनि मृत्यु भएको छ ।