वीरगन्ज,२५चैतःभारतमा जारी इन्डियन प्रिमियर लिग (आईपीएल) क्रिकेटमा आज आइतबार दुई वटा खेल हुँदैछन् ।आजको पहिलो खेल अपरान्ह पौने ४ बजे मुम्बई इन्डियन्स र दिल्ली क्यापिटल्सबिच हुनेछ ।
यो सिजनमा मुम्बईले लगातार तीन खेलमा हार ब्यहोरेको छ । अंक तालिकामा मुम्बई पुछारमा छ । त्यस्तै दिल्ली क्यापिटल्सले चार खेलमा एक मात्रै जितेको छ । दिल्ली पुछारबाट दोस्रो स्थानमा छ ।
आजको दोस्रो खेलमा बेलुका पौने ८ बजे लखनउ सुपर जाइन्ट र गुजरात टाइटन्सबीच खेल हुनेछ । लखनउले तीन खेलमा दुई जित र गुजरातले चार खेलमा दुई जित निकालेको छ ।
यसअघि शनिबारराति भएको खेलमा राजस्थान रोयल्सले रोयल च्यालेन्जर्स बैंग्लोरलाई ६ विकेटले हराएको थियो ो । जितपछि राजस्थान चार खेलमा शतप्रतिशत नतिजासहित अंक तालिकाको शीर्ष स्थानमा उक्लिएको छ ।