वीरगन्ज,२४असोज : पर्साको ठोरी गाँउपालिका ४ विजयबस्तीमा जारी स्व. रामबहादुर श्रेष्ठ स्मृति ठोरी गोल्डकप फुटबल प्रतियोगितामा मंगलबार भएको खेलमा निर्मल समाज युवा क्लब ठोरी विजयी भएको छ ।
निर्मल समाज ठोरीले वीरगन्ज युथ एकेडेमीलाई २– १ गोलले हराउदैं दोश्रो चरणमा प्रवेश गरेको छ । ठोरीका लागि समिराज थोकर र राकेश चौधरीले १÷१ गोल गरेका हुन् । वीरगन्जका mलागि एक मात्र गोल एलिस तमाङले गरेका हुन् ।
खेलको म्यान अफ दि म्याच निर्मल समाज युवा क्लबका समिराज थोकर घोषित भए । बुधबारको खेल हेटौंडा फुटबल एकेडेमी र ईमेज बसन्तपुर युनाइटेड क्लब माडी चितवनबिच हुनेछ ।