वीरगन्ज,२४चैतःजनता समाजवादी पार्टी नेपालका प्रमुख सचेतक प्रदीप यादवले वीरगन्जको औद्योगिक विकासका लागि औद्योगिक प्याकेज दिन जरुरी रहेको बताएका छन् । वीरगन्जमा शनिबार कान्तिपुर मिडिया ग्रुपले आयोजना गरेको ‘वीरगन्जको वाणी’ कार्यक्रमको पहिलो सत्र ’उद्योग र व्यापार खोइ पूर्वाधार ?’ मा बोल्दै पूर्वमन्त्री तथा प्रतिनिधि सभा सदस्य समेत रहेका यादवले वीरगन्ज र देशकै उद्योग व्यापार क्षेत्रमा बादल छाएकाले सरकारले आर्थिक प्याकेज ल्याउनु पर्ने बताए ।
‘अहिले उद्योग र व्यापारमा बादल छाएको छ । संकटबाट निकास निकाल्नु पर्छ,’ उनले भने, ‘ वीरगन्ज औद्योगिक नगरी हो, व्यापारी नगरी हो । तर, वीरगन्जको नीति बनाउँदा आर्थिक प्याकेजको नीति बनाइएको छैन । त्यसकारण अहिलेको अवस्थामा आर्थिक प्याकेज जरुरी छ ।’
सरकारले नीति बनाउँदा सरोकारवालासँग नाम मात्रको कुृरा गर्ने तर कार्यान्वयन नगर्दा समस्या भएको उनले बताए । त्यस्तै, बनेका नीतिहरु केही ब्यक्तिले कब्जा गरेकै कारण उद्योग व्यापार धरासय अवस्थामा पुगेको उनले बताए ।
‘सरकारले व्यापार गर्न वीरगन्जमा सुख्खा बन्दरगाह र एकीकृत चाँज चौकी बन्यो । खराब हावा, धुलो धुवाँ र प्रदुषण हामी खान्छ्रौ, बजेट सरकारले खाएको छ । तर, वीरगन्जलाई आर्थिक प्याकेज र राष्ट्रिय गौरवका आयोजना किन दिइएन ?,’ उनले भने, ‘नीति बनाउँदा वीरगन्जलाई बेइमान, खराबको दृष्टिकोणले हेरियो । बजेट कम दियो महानगरमा बजेट काटिएको छ ।साभार : इकान्तिपुरबाट