वीरगन्ज,४ भदौं : वीरगन्ज महानगरपालिकाको योजना तथा पूर्वाधार विकास समितिको संयोजकको जिम्मेवारी मनोज यादवले पाएका छन् ।
वीरगन्ज महानगरपालिका वडा नम्बर ३० का वडाध्यक्ष समेत रहेका यादवलाई वीरगन्ज महानगरपालिकाको नगरकार्यपालिकाले योजना तथा पूर्वाधार विकास समितिको संयोजकको जिम्मेवारी दिएको हो ।
जनता समाजवादी पार्टी(जसपां) बाट वडाध्यक्षमा निर्वाचित भएका यादवलाई महानगरपालिकाका मेयर राजेशमान सिंहले समितिको संयोजकमा मनोनित गरेका हुन् ।
स्थानीय सरकार सञ्चालन ऐन २०७४ को दफा १४ बमोजिम समितिको संयोजकमा यादवलाई मनोनित गरिएको मेयर सिंहले यादवलाई प्रदान गरेको पत्रमा उल्लेख छ ।