धनुषा,५फाल्गुन: महोत्तरीको सम्सी गाँउपालिका वडा नम्बर २ पर्सामा महावीरी झण्डा मेलाकाे लागि निकालिएको कलश यात्राका क्रममा दुई फरक धर्मका समूहबीच झडप भएको छ ।
कलश यात्राका क्रममा ठूलो स्वरमा डिजे बजेको भन्दै विरोध गरिरहेका मुस्लिम र कलश यात्रामा सहभागी हिन्दु समुदायबीच विवाद चर्कदै जाँदा एकापसमा ढुङ्गा हानाहान भएर झडप भएको स्थानीय प्रत्यक्षदर्शीले बताए।
झण्डा मेलाको कलश यात्राका क्रममा दुई समूहबीच झडप हुँदा प्रहरीले ४ राउन्ड गोलीसमेत चलाएको छ ।
झडप नियन्त्रणमा लिन हवाई फायर गर्नु परेको इलाका प्रहरी कार्यालय गौशालाका प्रहरी निरीक्षक मनोज यादवले बताए । झडपका क्रममा दुवैतर्फ केही व्यक्तिसहित एक प्रहरीपनि घाइते भएको उनले बताए ।
झडपका क्रममा वडाध्यक्षाे मोटरसाइकलमा आगजनीसमेत गरिएको छ । अवस्था बिग्रिन नदिन घटनास्थलमा ठूलाे संख्यामा प्रहरी खटाइएको छ ।