काठमाडौं,१०कार्तिक : त्रिकाेणात्मक टी-२० सिरिजकाे फाइनल खेलमा नेपाल युएईसंग स्तब्ध भएकाे छ ।आयोजक नेपाललाई ४ विकेटले पराजित गर्दै यूएईले त्रिकोणात्मक सिरिजकाे उपाधि जितेको छ ।
त्रिवि क्रिकेट मैदानमा शुक्रबार भएकाे फाइनल खेलमा नेपाललाई ४ विकेटले हराउँदै युएईले उपाधि जितेकाे हाे ।नेपालले दिएको १६३ रनको लक्ष्य यूएईले अन्तिम बल खेल्नु अघि ६ विकेट गुमाएर भेट्टायो ।
यसअघि टस हारेर पहिले ब्याटिङको निम्तो पाएको नेपालले कुशल भुर्तेलको अर्धशतकको मद्दतमा निर्धारित २० ओभरमा ८ विकेट गुमाएर १६२ रनमात्र बनाएको थियो ।
पहिलो विकेटका लागि कुशल भुर्तेल र आसिफ शेखले पहिलो विकेटका लागिड ४३ रनको साझेदारी गरेका थिए ।आसिफ श्ख मात्र ७ रनमा आउट भए ।
आक्रमक पारी खेलिरहेका कुशललाई साथ दिएको कुशल मल्ल मात्र १ रनमा आउट भए । कुशल पनि अर्धशतक बनाए लगतै आउट भए, जतिबेलाI नेपालको स्कोर ६८/३ थियो ।
कप्तान रोहितकुमार पौडेल र दीपेन्द्रसिंह ऐरीले नेपालको पारी सम्हाल्ने प्रयास गरे । दुवैले चौथो विकेटका लागि ४० रनको साझेदारी गरे । तर, १३औं ओभरमा दुवै जना आउट भए । रोहित १८ र ऐरी २० रनमा पभेलियन फर्किएका हुन् ।
सन्दीप जोरा १०, गुल्सन झा ५ र सोमपाल कामी १३ रनमा आउट भए । करण केसी २३ रनमा अवजित रहे ।
यूएईका आयान खानले तीन विकेट लिंदा अली नासीर र जाहुर खानले २-२ विकेट लिए ।