Madhes Khabar
अर्थतन्‍त्र हेडलाइन

पिडित जग्गाधनीहरुले धर्ना स्थगीत गरेपछि वीरगन्ज ड्राइपोर्टको कामकाज सुचारु

वीरगन्ज,१८ असोज : वीरगन्जको सिर्सिया सुक्खा बन्दरगाह(ड्राइपोर्ट) मा मुआब्जा पिडितहरुले धर्ना स्थगीत गरेपछि डाइपोर्टको कामकाज बिहीबार साँझदेखि नियमित रुपमा सुचारु भएको छ ।

ड्राइपोर्ट र एकिकृत भन्सार जाँच चौकी(आइसिपी) विस्तारका लागि अधिग्रहण गरिएको जग्गाको मुआब्जा ७ वर्षदेखि नपाएको भन्दै पिडित जग्गाधनीहरुले गत आइतबारदेखि ड्राइपोर्टको मुख्य गेटमै धर्ना दिएका कारण ड्राइपोर्टको कामकाज नै प्रभावित भएको थियो ।

बिहीबार साँझ पिडित जग्गाधनीका अगुवा र ड्राइपोर्ट भन्सार प्रमुख डाक्टर रामप्रसाद मैनालीबिच भएको वार्तामा तीन बुँदेसहमति भएर धर्ना स्थगीत गरिएसंगै ड्राइपोर्टको कामकाज नियमित रुपमा सुचारु भएको हो ।

वार्तामा बाँकी मुआब्जा छठ पर्ब अगावै सम्बन्धित जग्गाधनीहरुलाई वितरण गरिने लगायतका तीन बुँदे सहमति भएसंगै आफुहरुले धर्ना स्थगीत गरेको मुआब्जा पिडित संघर्ष समितिका संयोजक अशोक चौधरीले बताए ।

यसअघि गत आइतबारदेखि पिडित जग्गाधनीहरुले संघर्ष समिति नै गठन गरेर ड्राइपोर्टको मुख्य गेटमै पाल टाँगेर बिहानदेखि साँझसम्म धर्ना दिदैं आएका कारण ड्राइपोर्ट कार्यालय र भन्सारको कामकाजनै प्रभावित हुदैं आएको थियो ।

वीरगन्ज महागनरपालिका वडा नम्बर २५ स्थित सिर्सिया सुक्खा बन्दरगाह र एकीकृत भन्सार जाँच चौकी(आइसिपी) बीचको करिब ६२ बिघाको ९ सय २० कित्ता जग्गा सरकारले २०७३ पुषमा अधिग्रहण गरी रोक्का गरेको थियो । त्यहि वर्षको कात्तिक २७ गततेदेखि जिल्ला प्रशासन कार्यालय पर्सामा मार्फत जग्गाधनीलाई मुआब्जा रकम वितरणपनि सुरु गरिएको थियो ।

त्यसयता पटक पटकमा गरी हालसम्म ८ सय २३ कित्ता जग्गाको करिब ४ अर्ब ५० करोड रुपैयाँ मुआब्जा रकम वितरण भइसकेको छ । अब १३ बिघा जग्गाको मात्र करिब २ अर्ब ३६ करोड रुपैयाँ मुआब्जा वितरण हुन बाँकी छ । यसबाहेक यस बाहेक जग्गामा बनेका घर, रुख, कृषि, पोखरी, चापाकलजस्ता सम्पत्तिको पनि मुआब्जा वितरण गर्न बाँकी छ ।सरकारले सात वर्षअघि नै अधिग्रहण गरी रोक्का गरिसकेको जग्गा मध्ये मुआब्जाा पाउन बाँकी रहेका जग्गाधनीहरुले यसअघि पनि पटक पटक प्रदर्शन र धर्ना दिदै आएका थिए ।

Related posts

वीरगन्ज उद्योग वाणिज्य संघका अध्यक्ष गुप्ता कर्पोरेट बिजनेश अवार्डबाट सम्मानित

MadhesKhabar

पर्साका किसानलाई खेतमै तालिम

MadhesKhabar

सरकारी विद्यालयमा मेयर सिंहको अनुगमन, एकै विद्यालयका २४ शिक्षक कारबाहीमा

MadhesKhabar

Leave a Comment