वीरगन्ज,१८ भदौं : नेपालका ओपनर आशिफ शेखले एसिया कप क्रिकेटमा भारतविरुद्ध अर्धशतक पूरा गरेका छन् ।
वीरगन्जका स्थायीवासी रहेका आशिफले ८८ बलमा ७ चौका प्रहार गर्दै अर्धशतक बनाएका हुन् । एक दिवसीय अन्तर्राष्ट्रियमा आसिफको यो १० औं अर्धशतक हो ।
एक दिवसीय क्रिकेटमा नेपालबाट उनी सर्वाधिक अर्धशतक बनाउने खेलाडी पनि हुन् । उनी पछि कप्तान रोहितकुमार पौडेलले धेरै अर्धशतक गरेका छन् । रोहितले एकदिवसीयमा एक शतक र आठ अर्ध शतक बनाएका छन् ।आसिफले पनि एक दिवसीयमा एक शतक बनाएका छन् ।
एसिया कप क्रिकेटमा जारी भारतविरुद्धको खेलमा टस हारेर पहिले व्याटिङ गरिरहेको नेपालले यो समाचार तयार पार्दासम्म २८ ओभर खेल्दै ४ विकेटको क्षतिमा १ सय २२ रन बनाएको छ ।