काठमाडौं,५असारःनेपाली कांग्रेसका नेता अफताब आलमलाई सफाइ दिने उच्च अदालत जनकपुर अस्थायी इजलास वीरगन्जका दुई न्यायाधीश न्याय परिषदमा तानिएका छन् । न्यायाधीशद्वय खुसीराम थारु र अर्जुन महर्जनविरुद्ध न्यायपरिषदमा उजुरीसमेत परेको थियो ।
न्याय परिषदमा यसअघि नै वरिष्ठतम न्यायाधीश सपना प्रधान मल्लले दुवै न्यायाधीशको सुरक्षालाई समेत ध्यानमा राखेर परिषदमा तान्नुपर्ने प्रस्ताव राखे पनि प्रधानन्यायाधीश प्रकाशमान सिंह राउत र कानूनमन्त्री अजय चौरसियाले मानेका थिएनन् ।
यसबीचमा थारु र महर्जनमाथि अदालतको इजलासमै नेकपा बहुमतका कार्यकर्ताले मोसो छ्यापेर दुव्र्यवहारसमेत गरेका थिए । आलमलाई जिउँदै इट्टाभट्टामा जलाएर मान्छे मारेको अभियोगमा रौतटहट जिल्ला अदालतले सर्वस्वसहित जन्म कैदको फैसला गरेको थियो ।
तर, उच्च अदालतका न्यायाधीश थारु र महर्जनको इजलासले गत जेठ १४ गते सफाइ दिएपछि यसको देशभर चर्चा भयो । उनीहरूविरुद्ध न्यायपरिषदमा मृतक पिन्टु त्रिलोक सिंहका बुबा श्रीनारायण सिंहले समेत उजुरी दिएका थिए ।
न्याय परिषदको बिहीबारको बैठकले एक सदस्यीय छानबिन समिति बनाएर दुवै न्यायधिशहरूलाई कार्यक्षेत्रबाट तानेको परिषदका एक सदस्यले बताए ।साभारःनेपालप्रेस