Madhes Khabar
रोचक दुनियाँ

मुस्ताङमा बाढीले पुरिएको १ करोड ६५ लाख रुपैयाँ भेटियो

मुस्ताङ, ३ भदौं : हिमालपारिको मुस्ताङमा भारी वर्षपछि आएको बाढीले पुरिएको कागवेनी बस्ती खोतल्दा एक करोड ६५ लाख रुपैयाँ फेला परेको छ ।

प्रमुख जिल्ला अधिकारी अनुप केसीले दिएको जानकारी अनुसार उद्धारकर्ताले स्काभेटरको सहायतामा पहिरो उत्खनन गर्दा पुरिएको प्रभु बैंक कागवेनी शाखाको ६५ लाखभन्दा बढी र नेपाल इन्भेष्टमेन्ट मेगा बैंक कागवेनी शाखाको एक करोड ५ लाख ३२ हजार ९ सय ६४ रुपैयाँ नगद भेटिएको हो ।

थोरङ्लापास र मुक्तिनाथ क्षेत्रमा परेको अविरल वर्षापछि गत साउन २८ गते साँझ स्थानीय कागखोलामा बाढी आउँदा वारागुङ मुक्तिक्षेत्र गाउँपालिका, ४ कागबेनी बस्ती पुरिएको थियो ।

वारागुङ मुक्तिक्षेत्र गाउँपालिका प्रमुख प्रशासकीय अधिकृत होमबहादुर थापाका अनुसार कागखोलामा आएको बाढीले कागवेनीका २९ वटा घर, ४ नम्बर वडा कार्यालय, इलाका प्रहरी चौकी पूर्ण रुपमा क्षति पुगेको थियो ।

जनशान्ती माध्यामिक विद्यालय भवन, मुक्तिनाथ क्षेत्र शन्त आश्रम धर्मशाला र १३ जना स्थानीयको घरमा आंशिक क्षति पुगेको थियो । त्यस्तै, ९ वटा गोठसहित ३२ वटा गाई, घोडा र खच्चड पुरिएका थिए ।

बाढीको गेग्रान र लेदो बस्तीमा पसेपछि १६ वटा मोटरसाक्षकल, २ वटा जिप, कागवेनीस्थित श्राद्धस्थल, श्रीकृष्ण मन्दिर, जोमसोम–कोरोला सडकको मोटरपुल, तिरी जोड्ने झोपु, ३ वटा काठेपुल र एउटा स्काभेटर पनि पुरिएको थियो । बाढीले पु¥याएको क्षतिको यकिन तथा विस्तृत विवरण संकलन भइरहेको वारागुङ मुक्तिक्षेत्र गाउँपालिकाले जनाएको छ ।

‘बाढीले पुरेको क्षेत्र उत्खनन गर्दा दुईवटा बैंकको नगद फेला परेको छ । बाढीले कति क्षति पु¥याएको छ भन्ने यकिन डाटा संकलन भइरहेकोले राहत वितरण प्रभावित भएको छ,’ प्रमुख जिल्ला अधिकारी अनुप केसीले भने, ‘पालिकाले क्षतिको यकिन तथ्याङ्क संकलन गर्न सकेको छैन । घर पूर्ण क्षति भएका २९ जनाको नाम पनि प्राप्त नभएकोले प्रदेश सरकारले प्रति परिवार २५ हजारका दरले पठाएको राहत पनि बुझाउन सकेका छैनौं ।’ साभार : ईकान्तिपुरबाट

 

Related posts

कलैयाका मेयर र उपमेयरलाई तौल बराबरको लड्डुले स्वागत

MadhesKhabar

खाद्यान सामाग्री ढुवानी लेखिएको ट्याक्टरमा अबैध कस्तुरी ढुवानी , पर्सा प्रहरीले गर्यो पक्राउ ।

MadhesKhabar

६ महिना भित्र मानिसकाे दिमागमा कम्प्युटर चिप परिक्षण गर्ने मस्ककाे घाेषणा

MadhesKhabar

Leave a Comment