वीरगन्ज, १६ असार : नेकपा एमालेको जनवर्गीय संगठन अखिल नेपाल पिछडावर्ग ओबिसी महासंघको वीरगन्ज महानगरको अध्यक्षमा अजय गुप्ता चयन भएका छन् ।
शनिवार वीरगन्जमा आयोजित ओबिसी महासंघको वीरगन्ज महानगर स्तरीय भेलाले वीरगन्ज १० घडीअर्वाका युवा नेताा गुप्तालाई अध्यक्षमा सर्वसम्मच चयन गरेको हो ।
महासंघको वीरगन्ज महानगरको कमिटी बिस्तारसंगै अध्यक्षमा गुप्तालाई सर्वसम्मत चयन गरिएको महासंघका केन्द्रीय सदस्य संदिप महतोले जनकारी दिए ।
गत स्थानीय तह निर्वाचनमा वीरगन्ज मानगरपालिका वडा नम्बर १० को वडाअध्यक्ष पदका लागि एमालेबाट प्रत्यासी समेत रहेका गुप्ताको राजनितिमा सक्रियता र संगठन प्रतिको निष्ठालाई कदर गर्दै महासंघले अध्यक्षको जिम्मेवारी दिएको महत्तोले बताए ।
नवनिर्वाचित अध्यक्ष गुप्ताले आफुले महानगर अध्यक्षको जिम्मेवारी पाएकाले अब वीरगन्ज महानगर मात्र नभई पर्सा जिल्लाघर नै महासंघकाो संगठन थप मजबुत बनाउने र पार्टीको पहिलो स्थानमा पिछडावर्ग महासंघलाई ल्याउने प्रतिबद्धता जनाएका छन् ।