वीरगन्ज,११पुस : बारामा प्रहरीले फेरि गाजा खेती नष्ट गर्ने अभियानलाई निरन्तरता दिएको छ । निर्वाचनका कारण केहि महिना रोकिएको गाजा खेती फाडानी अभियान सोमबार देखि फेरि शुरु गरेको हो ।
यसैक्रममा सोमबार निजगढमा प्रहरीले ठूलो परिमाणमा गाजा खेती फडानी गरेको छ । निजगढ नगरपालिका वडा नम्बर १२ र १३ मा पर्ने कुलियामा लगाइएको गाजा खेती प्रहरीले फडानी गरि नष्ट गरेको हो ।
नेपाल प्रहरी र सशस्त्र प्रहरीको संयुक्त टोलीले कुलियामा १७ कठ्ठा जग्गामा लगाइएको गाजाको बोट फडानी गरेपछि जलाएर नष्ट गरेको बाराका प्रहरी प्रवक्ता प्रहरी नायब उपरिक्षक राजेस थापाले जानकारी दिए ।गाजा रोप्ने व्याक्तिको भने खोजी भइरहेको उनले बताए ।