वीरगन्ज ,१० मंसिर : कतारमा जारी फिफा विश्वकप फुटबल प्रतियोगितामा शनिबार (आज) चार वटा खेल हुँदैछन्।
शनिबार समूह चरण अन्तर्गत समूह ‘सी’ र समूह ‘डी’ का समान दुई/दुई खेल हुदैछन्।
शनिबारकाे पहिलो खेलमा समूह ‘डी’ मा रहेको ट्युनिसिया र अष्ट्रेलिया बीच प्रतिस्पर्धा हुनेछ। उक्त खेल नेपाली समयअनुसार अपरान्ह ३ः४५ बजे शुरू हुनेछ।
शनिबारकाे दोस्रो खेलमा समूह ‘सी’ अन्तर्गत पोल्याण्ड र साउदी अरेबिया बीच प्रतिस्पर्धा हुनेछ।उक्त खेल खेल साँझ ६ः४५ बजे शुरू हुनेछ।
शनिबारकाे तेस्रो खेलमा फ्रान्स र डेनमार्क राति ९ः४५ बजे भिड्दैछन्।
शनिबारको अन्तिम खेलमा अर्जेन्टिनाले मेक्सिकोको सामना गर्नेछ।उक्त खेल राति १२ः४५ बजे हुनेछ। विश्वकपमा ३२ वटा राष्ट्रले प्रतिस्पर्धा गरिरहेका छन्।