मधेसखबर
वीरगन्ज,२१ असोज : बाराबाट सशस्त्र प्रहरीले ठूलो परिमाणमा लागु औषध चरेस सहित तीन जनालाइ पक्राउ गरेको छ । भारतसंग सीमा जोडिएको बाराकाो बेनौली गाँउबाट सशस्त्र प्रहरीले लागूऔषध चरेस २० किलो सहित तीन जनालाइ पक्राउ गरेको हो ।
पक्राउ पर्नेहरुमा पर्साको वीरगन्ज महानगरपालिका वडा नम्बर १९ नगवा घर भएका ३० बर्षिय मुकेश श्रीवास्तव, वीरगन्ज २ छपकैया घर भएका १६ बर्षिय मुस्तफा देवान र बाराको महागढीमाई नगरपालिका १ घर भएका ३७ बर्षिय मुस्तान देवान रहेका छन् ।
बाराको पचरौता नगरपालिका वडा नम्बर ७ बेनोली स्थित सशस्त्र प्रहरी बोर्डर आउट पोष्टबाट शुक्रबार बिहान खटिएको सशस्त्र प्रहरीको टोलीले भारतबाट चरेस बोकेर आउदै गरेका उनीहरुलाई पक्राउ गरेको हो ।
चरेस सहित पक्राउ परेका तीनै जनालाइ कारबाहीका लागि जिल्ला प्रहरी कार्यालय बारामा बुझाइने सशस्त्र प्रहरीका डिआइजी गणेश ठाडामगरले बताए ।