Madhes Khabar
स्थानिय

वीरगन्जमा आयोजित तेली कल्याण समाजको महाधिवेशनमा विशाल जनसहभागीता

मधेसखबर
वीरगन्ज,०५ असोज : मधेस प्रदेश सरकारका अर्थमन्त्री शैलेन्द्र प्रसाद साह तेलीले देशका सात वटै प्रदेश मध्ये मधेस प्रदेश ,अझै पनि सबै भन्दा पछाडि परेको बताएका छन् ।

वीरगन्जमा बुधबार देखि शुरु तेली कल्याण समाजको तेश्रो केन्द्रिय महाधिवेशनको उद्घाटन समारोहलाइ सम्बोधन गर्दै मन्त्री साहले विकासको हरेक सुचांकमा मधेस प्रदेश पछाडि परेको बताए । उनले भने ,‘ शिक्षा, स्वास्थ्य , भौतिक पुर्वाधार लगायत सबै क्षेत्रमा मधेस पछाडि परेको छ , त्यसैले शिक्षामा सबै भन्दा पहिले फड्को मार्नु पर्छ ।

मन्त्री साहले शिक्षा बेगर विकास सम्भव नभएकाले सबै भन्दा बढि शिक्षामा जोड दिनु पर्ने बताए । उनले तेली जातिको सशक्तिकरणका लागि पनि पहिलो आवश्यकता शिक्षा नै भएको बताए । तेली लगायतका बैश्य जातिहरुको विकासका लागि भारतमा ओबीसीको जस्तै नेपालमा पनि हरेक क्षेत्रमा आरक्षणको व्यवस्था हुनु पर्नेमा जोड दिए । ओबिसीको राजनीतिक पहुच अब सिंहदरबार सम्म पुरयाउनका लागि तेली कल्याण समाजले भुम्ीका खेल्नु पर्ने पनि उनले बताए ।

 

वीरगन्जमा आयोजित महाधिवेशनमा तेली जातिको विशाल सहभागीताले देशभरमा तेली जाति एकजुट छन् भन्ने सन्देश दिएको पनि उनले बताए । उनले भने ,‘ तेली जातिलाइ राष्ट्रिय पहिचान दिलाउन यो महाधिवेशन सफल भएकोे छ , अब हाम्रो जातिकोे पहुच र सहभागीता मधेस सरकारमा मात्र नभइ सिंहदरबारमा पनि पुरयाउनु पर्छ ।

 

वीरगन्जको घण्टाघर स्थित पार्कमा तेली कल्याण समाजका केन्द्रिय अध्ध्यक्ष शैलेन्द्र साहको अध्यक्षतामा आयोजित महाधिवेशनको उद्घाटन समारोहलाइ संघीय सांसद प्रमोद साह , भारत बिहारका विधाननसभा सदस्य लालबाबु प्रसाद , संविधानसभासदस्य आत्मराम साह , मधेस प्रदेशका प्रदेशसभा सदस्यहरु राजेश्वर साह तेली , पारस साह तेली , दिलिप साह लगायतले पनि सम्बोधन गरेका थिए ।

बुधबार नै बेलुकी देखि नगरसभागृहमा बन्दसत्र शुरु हुने र बन्द सत्रबाट समाजको नयाँ नेतृत्व चयन पनि गरिने समाजका पर्सा अध्यक्ष धु्रुब साह तेलीले जानकारी दिए । महाधिवेशनमा देशभरका जिल्लाबाट तेली जातिका करिब २५ हजार प्रतिनिधी सहभागी भएको पनि उनले बताए ।

Related posts

मन्त्री यादवद्वारा वीरगन्जका विभिन्न वडामा सडककाे शिलान्यास

MadhesKhabar

पर्साको बन्कुल र श्रीपुरबाट ठूलो परिमाणमा सालको काठ बरामद

MadhesKhabar

पर्साको जिराभवानी १ मा एमालेका खवास विजयी

MadhesKhabar

Leave a Comment