मधेसखबर
वीरगन्ज, २३ भदौं : पूर्व राष्ट्रपति डाक्टर रामवरण यादवले नेपाली कांग्रेसले जनता माझ जान पनि अरु दलसँग अंशवण्डा गरिरहेको भन्दै चिन्ता व्यक्त गरेका छन् ।
बिहीबार काठमाडौंमा भएको बीपी साहित्य एवं बिपी सेनानी सम्मान कार्यक्रममा पूर्व राष्ट्रपति डा.यादवले अहिले टिकट किन्नेलाई काँग्रेसी भन्ने गरिएको बताए । उनले भने ,‘ ‘तपाईंहरुले सुन्नुभएको होला, समानुपातिकमा टिकट बिक्री भएको छ , वार्डको टिकट बिक्री भएको छ, पालिकाको टिकट बिक्री भएको छ, यो सब सुन्दा र हेर्दा कांग्रेसको बारेमा राम, राम भन्ने बेला भइसकेको छ ।’
कांग्रेसमा विधि, आदर्श बारे कुरा हुन छाडेको र कांग्रेसका नेता कार्यकर्तामा बीपीको एक गुण पनि नरहेको उनले बताए ।बीपीको जेल डायरी, बीपीको आत्मवृत्तान्त, राजनीतिबारे बिपीले बोलेका विषयहरु पढ्ने फुर्सद कांग्रेसीलाई नरहेको उनले बताए ।