मधेसखबर
वीरगन्ज, १३ भदौं : रौतहटको गौरबाट प्रहरीले २ सय ४ किलो अवैध लागुऔषध गाँजा बरामद गरेको छ ।
अस्थायी प्रहरी पोष्ट महादेवपट्टी र सशस्त्र प्रहरीबल नेपाल वेस क्याम्प गौरबाट खटिएको संयुक्त गस्ती टोलीले सोमबार बिहान १ बजेको समयमा गौर नगरपालिका वडा नम्बर २ बकैया नदीको किनारबाट गाँजा बरामद गरेको हो ।
तस्करहरुले भारततर्फ लैजादै गरेको १७ वटा पोकामा रहेको गाँजा बरामद गरिएको जिल्ला प्रहरी कार्यालय रौतहटले जनाएको छ ।
प्रहरीलाई देखेपछि तस्करहरु गाजा फालेर भागेकोले उनिहरुलाइ भने पक्राउ गर्न नसकिएको रौतहटका प्रहरी प्रवक्ता प्रहरी नायव उपरिक्षक सुनिल मल्लले बताए ।तस्करहरुको खोजी भइरहेको र बरामद भएको गाँजाका बारेमा थप अनुसन्धान भइरहेको मल्लले बताए ।