Madhes Khabar
साहित्य

भोजपुरी भाषामा लेखिएका दुइ पुस्तकको वीरगन्जमा विमोचन

मधेसखबर
वीरगन्ज , २१ साउन : भोजपुरी भाषामा लेखिएका दुइ पुस्तकको शनिबार वीरगन्जमा विमोचन गरिएको छ ।नेपाल प्रज्ञा प्रतिष्ठानका पूर्ब सदस्य एंव गोरखापत्र राष्ट्रिय दैनिक पत्रिकाको भोजपुरी भाषाका साहित्यकार दिनेश गुप्ताले भोजपुरी भाषमा लेखेका सुतल अब ठिक नैखे नामक गजल संग्रह र हिरोशिमा नामक हाइकु संग्रहको विमोचन गरिएको हो ।

वीरगन्जको कलवार कल्याण समितिको अतिथी सदनमा शनिबार बिहान आयोजित कार्यक्रममा मधेस प्रदेशका मुख्यमन्त्री लालबाबु राउत , वीरगन्ज महानगरपालिकाका मेयर राजेशमान सिंह लगायतकाले संयुक्त रुपमा विमोचन गरेका हुन् ।

कार्यक्रमका प्रमुख अथिती मुख्यमन्त्रि लालबाबु राउतले भोजपुरी भाषाको उत्थानमा लाग्नुपर्नेमा जोड दिदैँ साहित्य समाजको दर्पण भएकोले यसमा कलम चलाउने व्यक्तित्वलाई सदैव सम्मान गर्नुपर्ने बताए ।

तराई मधेशको भोजपुरी , मैथिली ,अवधी लगायतका विभिन्न भाषाभाषीको बसोबास रहेकोले यी भाषालाई संरक्षण गर्ने उद्देश्यले करीब ५ करोड बजेट विनियोजन गरी भाषा संरक्षण अभियान थालिएको मुख्यमन्त्रि राउतले बताए ।

यस्तै वीरगञ्ज महानगरपालिकाका मेयर राजेशमान सिँहले लेखक दिनेश गुप्ताले लेखे जस्तै अब हरेक तवरबाट सचेत हुने बेला आएको बताए । उनले अबको दिनमा भोजपुरी भाषालाई बलियो रुपमा प्रस्तुत गर्ने र प्राथमिकता दिन आवश्यक रहेको औल्याएँ ।

भाषाको नाममा पनि विभिन्न समुह , संघ संस्था अनावश्यक रुपमा खोलिएको भन्दै उनले भोजपुरी भाषाको संरक्षणको लागि लाग्नुपर्ने भए सबै संस्था एकजुट भएर अगाडी बढ्नुपर्नेमा जोड दिए ।

भोजपुरी भाषा आफ्नो जन्म र कर्म भाषा भएको र तथा कुल १७ प्रतीशत जनता भोजपुरी भाषा नै बोल्ने गरेकोले यसको संरक्षण सर्वद्धनका लागि नगरपालिकाको तर्फबाट सक्दो साथ र सहयोगको प्रतीबद्धता समेत उनले जनाए ।

फरक प्रसंगमा मेयर सिँहले कुनै पनि कार्यको लागि नेतालाई मात्रै दोष दिने सोच तथा प्रवृतीमा पनि परिवर्तन ल्याउनुपर्नेमा जोड दिए । उनले नेतालाई विगार्ने वा सच्याउने काम जनताले नै गर्ने भएकोले त्यसतर्फ ध्यान दिनुपर्ने बताए ।


यसैगरी कार्यक्रममा साहित्यकार गणेश लाठले कुनै पनि साहित्यकारको अहोरात्रको लगन र जुनुनले लेख ,रचना ,गजल लगायतका लेखाई तैयार हुने भएकोले साहित्यकार एव् लेखक दिनेश गुप्ताले लेखेका यी २ किताब अवश्य एकपटक पढ्न सबैमा अनुरोध गरे ।

उनले आफ्नो मातृभाषाको संरक्षणमा गरीएको यो प्रयासमा साथ दिन सबैमा अपिल समेत गरे ।

ध्रुव सिँह ठकुरीको अध्यक्षतामा भएको पुस्तक विमोचन कार्यक्रममा  नेपाल उद्योग वाणिज्य महासंघ मधेस प्रदेशका अध्यक्ष गणेश लाठ , वीरगन्ज उद्योग वाणिज्य संघका अध्यक्ष डाक्टर सुबोध गुप्ता , नेपाल भोजपुरी प्रतिष्ठानका अध्यक्ष उमाशंकर द्धिवेदी,वरीष्ठ साहित्यकार तथा वरीष्ठ खण्डकाव्य रामबोलाको रचयिता डाक्टर हरीन्द्र हिमकर , वरीष्ठ लेखक विकाउ गिरी, प्राध्यापक डाक्टर दिपक शाक्य लगायतको पनि उपस्थिती रहेको थियो ।

Related posts

नमस्ते, प्रणाम…!

MadhesKhabar

यूथ कांग्रेस अमेरिकाबाट सरकारलाई आधा दर्जन बढी अक्सिजन कन्सन्ट्रेटर हस्तान्तरण ।

MadhesKhabar

खाद्यान सामाग्री ढुवानी लेखिएको ट्याक्टरमा अबैध कस्तुरी ढुवानी , पर्सा प्रहरीले गर्यो पक्राउ ।

MadhesKhabar

Leave a Comment