मधेसखबर
वीरगन्ज,१९ असार : मधेस प्रदेश सरकारले सन्चालनमा ल्याएको दुइ वर्ष मै रोकिएको छोरी शिक्षा बिमा कार्यक्रम फेरि सुचारु भएको छ ।
मधेस सरकारको सामाजिक विकास मन्त्रालयले एक सुचना निकालेर छोरी शिक्षा बिमा तथा मुद्धद्धती बचत कार्यक्रम फेरि सुचारु भएको जानकारी गराएको हो ।
कार्यक्रम रोकिएका कारण २०७८ माघ १ गते देखि यता जन्मिएका बालिकाहरु , छोरी शिक्षा बिमा कार्यक्रमबाट बन्चित भएका छन् ।
मन्त्रालयको शिक्षा विकास निर्देशनालयले जारी गरेको सुचनामा २०७८ माघ १ गते यता जन्मिएका प्रदेशभरका छोरीहरुको शिक्षा बिमा दर्ता गगराउन आग्रह गरेको छ ।
निर्देशनालयका निर्देशक चुडामणी फुयाालले जारी गरेको उक्त सुचनामा, २०७८ माघ १ गते यता जन्मिएका छोरीहरुको यहि असार २४ गते भित्रै आवश्यक कागजात सहित निवेदन दिन आह्वान गरिएको छ ।
