मधेसखबर
वीरगन्ज,१९असार : वीरगन्जका पत्रकाहरुको क्षमता अभिवृद्धि सम्बन्धि एक दिने तालिम आइतबार सम्पन्न भएको छ ।
वीरगन्ज महानगरपालिकाको सहयोगमा रातोपाना न्युज नेटवर्क प्रालिले होटल विजय ज्योतिमा आयोजना गरेको तालिममा विभिन्न सन्चारगृहमा कार्यरत वीरगन्जका ३० जना पत्रकाहरुको सहभागीता रहेको थियो ।
तालिमममा सहभागी पत्रकारहरुलाइ पत्रकार उज्जवल घिमिरे र क्रान्ति शाहले प्रशिक्षण दिएका थिए ।तालिममा सहजीकरण पत्रकार नवराज फुयाल र अमित अग्रवालले गरेका थिए ।
रातापाना न्युज नेटवर्क प्रालिका अध्यक्ष श्याम सर्राफको अध्यक्षतामा भएको तालिममा वीरगन्ज महानगरपालिकाका अधिकृत शम्भु कुशवाहा , नेपाल पत्रकार महाासंघ पर्साका कोषाध्यक्ष सन्जिव मिश्रा ,प्रेस सेन्टर नेपाल पर्साका अध्यक्ष दिपक गौतम लगायतको पनि सहभागीता रहेको थियो ।