मधेसखबर
वीरगन्ज,२१जेठ : प्रधानमन्त्री एंव नेपाली कांग्रेसका सभापति शेरबहादुर देउवा र लोकतान्त्रिक समाजवादी पार्टी (लोसपा) का अध्यक्ष महन्थ ठाकुर बीच भेटवार्ता भएको छ ।
शनिवार दिउँसो पार्टीको केन्द्रीय कार्यकारिणी समितिको बैठक सकिएलगत्तै लोसपा अध्यक्ष ठाकुर प्रधानमन्त्री देउवालाई भेट्न बालुवाटार पुगेका थिए । दुई नेता बीच संघ र प्रदेशको आउँदो चुनावमा कसरी जाने भन्नेबारेमा छलफल केन्द्रित भएको लोसपाका केन्द्रीय कार्यकारिणी सदस्य केशव झाले जानकारी दिए । झाले प्रधानमन्त्री देउवाले पार्टी अध्यक्ष ठाकुरलाई बैठकका लागि बोलाएको र बैठकमा आउँदो संघ र प्रदेशको चुनावमा हुने गठबन्धन बारे छलफल केन्द्रित भएको बताए ।
यसैबीच लोसपाको केन्द्रीय कार्यकारिणी समितिको बैठक आइतवार पनि बिहान ११ बजे पनि बोलाइएको छ ।काठमाण्डौको बिजुली बजारमा रहेको पार्टीको केन्द्रीय कार्यालयमा बस्ने बैठकमा पालिका चुनावको समीक्षा गरी आउँदो संघ र प्रदेशको चुनावको आन्तरिक तयारीको बारेमा विस्तृत छलफल हुने केन्द्रीय कार्यकारिणी सदस्य झाले जानकारी दिए ।