मधेस खबर
वीरगन्ज, १४ :वीरगन्ज महानगरका नवनिर्वाचित मेयर र उपमेयरले शनिबार पनि सडक र नालाको सरसफाइको अवस्था बारे जायजा लिएका छन् ।
मेयर राजेशमान सिंह र उपमेयर इम्तियाज आलमले शनिबार बिहान महानगरपालिका सरसफाइ शाखाका कर्मचारीहरुलाइ संगै लिएर विभिन्न स्थानको सडक र नाला सरसफाइ गराएका हुन् । दुवै जना आफैले पनि सडकमा झाडु पनि लगाएका छन् ।
विर्ता चोक , मकालु चोक , कैलाश होटल चोक , घडीअर्वा , माइस्थान हुदै घण्टाघर सम्म पुगेर दुवै जनाले सडक र नाला सरसफाइ गराएका हुन् । यसका साथै सडक र सडक पेटिमा थुपारिएका गिट्टी बालुवा पनि महानगरका कर्मचारीबाट उठाउन लगाएका छन् । त्यस क्रममा वडा नम्बर ४ का वडा अध्यक्ष जगत साह कानु , वडा नम्बर ६ का वडा अध्यक्ष जयप्रकाश अग्रवाल, वडा नम्बर ९ का वडा अध्यक्ष जवाहर प्रसाद गुप्ता लगायतको पनि सहभागीता रहेको थियो ।
