मधेसखबर
वीरगन्ज,०८जेठः वीरगन्ज महानगरपालिका वडा नम्बर १० को वडा अध्यक्षमा पराजित नेपाली काँग्रेसका उम्मेदवार एंव निवर्तमान वडाअध्यक्ष रामनगीना प्रसाद कानुले यसपटकको चुनावी प्रतिस्पर्धामा पराजित भएपनि वडाको विकास र वडावासीको सेवामा आफु निरन्तर लागि रहने बताएका छन् ।
मधेसखबर डटकमसंग कुरा गर्दै निवर्तमान वडाअध्यक्ष कानुले स्थानीय तह निर्वाचनमा अकंगणीतीय हिसाबले आफु पराजित भएपनि हारलाइ सहर्ष स्वीकार गरेको पनि बताए् ।यसपाली पराजित भएपनि वडाको विकास र समृद्धि अनि वडावासीको सुखदुखमा यसअघिकै जस्तो आफनो चासो र साथ रहिरहने कानुले बताए ।
उनले भने ,‘ चुनावमा हारजित भइ नै हाल्छ , जनताको सेवा गरेको थिए , केहि कमीकमजोरी भएको कारणले हुन सक्छ सर्वाधिक मत पाउन सकिन , हारलाइ सहर्ष स्वीकार्छु तर यो वडाको विकासमा मेरो चासो रहिरहनेछ , वडावासीको सुखदुखमा म सदैव संगै रहनेछु ।
नवनिर्वाचित वडाअध्यक्ष र सदस्यहरुलाइ बधाइ ज्ञापन र सफल कार्यकालको शुभकामना व्यक्त गर्दै उनले भने ,‘ म र मेरो समुह तथा काँग्रेसको रुख चिन्हमा मत दिने नदिने, चुनावमा काँग्र्रेसका लागि रातदिन नभनि अहोरात्र खट्ने सबै नेता कार्यकर्ताहरु प्रति कृतज्ञ छु , यस्तै साथ सहयोग आगामी दिनमा पाउनेमा विश्वस्त पनि छु ।उनले आफनो पराजयमा हतास नबन नेता कार्यकर्ता , समर्थक र शुभचिन्तकहरुलाइ अपिल पनि गरे ।
वडामा निर्वाचित नवनेतृत्वले आवश्यक ठानेमा आफनो साढे ४ वर्षको कार्यकालको अनुभव र सल्लाह दिन आफु तत्पर रहने पनि निवर्तमान वडाअध्यक्ष कानुले बताए ।
उनले आफनो साढे ४ वर्षको कार्यकालमा आफु माथि कुनै पनि किसिमको नकरात्मक प्रश्न नउठेको र सदैव वडा र वडावासीको हितमा काम गरेको जिकिर पनि गरे ।