मधेसखबर
वीरगन्ज ,३१ बैशाख : वीरगन्ज महानगरपालिका वडा नम्बर १ को मतगणना शुरु हुन नपाउदै रोकिएको छ ।
मतगणनास्थल नृहसिंह माविको कोठा नम्बर १०२ मा वडा नम्बर १ को मतगणना प्रकृया शुरु गरि मतपेटिका खोल्नै लाग्दा उम्मेदवारहरुका प्रतिनिधीहरु बिच विवाद भएपछि मतगणना रोकिएको हो ।
तारजालीको बार भित्र रहेका निर्वाचन कार्यालयका कर्मचारीले मतपेटिका खोल्नै लाग्दा , तारजाली बार बाहिर रहेका उम्मेदवारका प्रतिनिधीहरु बिच विवाद भइ हात हालाहाल समेत भएपछि मतगणना रोकिएको त्यहा रहेका सन्चारकर्मी अमित अग्रवालले जानकारी दिए ।
उनका अनुसार , अहिले मतगणना रोकिएको र १०२ नम्बर कोठालाइ सेना , नेपाल प्रहरी र सशस्त्र प्रहरीले घेरा हालेर बसेका छन् ।
महानगरको वडा नम्बर ३१ , ३२ र २ को भने मतगणना जारी रहेको अग्रवालले जानकारी दिए ।
शुक्रबार भएको मतदानमा वीरगञ्ज महानगरपालिकामा ९३ हजार ७ सय ८२ मत खसेको थियो ।