मधेसखबर
वीरगन्ज , २४ बैशाख : वीरगन्ज महानगरको उपमेयरमा स्वतन्त्र उम्मेदवार रम्भा मिश्राले नयाँ इतिहास रच्नका लागि आफु चुनावी मैदानमा उत्रिएको बताएकी छन् ।
वीरगन्ज महानगरको ग्रामीण भेगका वडाहरुमा पर्ने चोर्नी , परसवा, लालपर्सा, परसोतीपुर, कोनिया, बेलवा लगायतका गाँउमा शनिबार चुनावी घरदैलो कार्यक्रम गरेकी मिश्राले भनिन्,‘ शहरी वडा मात्र नभइ ग्रामीण वडाबाट पनि मैले अपार जनसमर्थन , माया र स्नेह पाइरहेको छु , यसले थप हौसिएको छु ।
वर्षौ योगदान गरेको राजनीतिक दलले अवसर आउदा नपत्याएपछि उपमेयर स्वतन्त्र उम्मेदवारी दिदा पनि अपार जनसमर्थन आफुले पाइरहेको भन्दै मिश्राले भनिन्,‘ मेरो यो स्वतन्त्र उम्मेदवारीले वीरगन्ज महानगरमा इतिहास नै रच्ने छ, र जनताले उपमेयरमा मलाइ जिताउनेमा ढुक्क छु ।
वीरगन्जमा इतिहास रच्ने अठोट लिएर आफु चुनावी प्रतिस्पर्धामा अगाडि बढिरहेको उनले बताइन् ।