मधेसखबर
वीरगन्ज, १८ बैशाख : वीरगन्ज महानगरको मेयर र उपमेयरमा चुनावी तालमेल गरेको सत्तागठबन्धनले महानगरका ग्रामीण भेगका वडामा पनि चुनावी अभियानलाइ तिब्र पारेको छ ।
शुक्रबार देखि संयुक्त रुपमा घरदैलो कार्यक्रम शुरु गरेको सत्तागठबन्धनले आइतवार वीरगन्ज महानगरपालिका वडा नम्बर २६ सुगौलीमा संयुक्त रुपमा घरदैलो कार्यक्रम गरेको छ ।
घरदैलो कार्यक्रममा महानगरको मेयरमा गठबन्धनबाट जसपाका उम्मेदवार राजेशमान सिंह र उपमेयरमा काँग्रेसका उम्मेदवार इम्तियाज आलमले वडा नम्बर २६ को हरेक मतदाताको घरमा पुगेर संयुक्त रुपमा भोट मागेको जसपाका जिल्ला सचिव तबरेज अहमदले जानकारी दिए ।
त्यसक्रममा जसपाका पर्सा जिल्ला अध्यक्ष रामनरेश प्रसाद यादव , जिल्ला सचिव तबरेज अहमद, काँग्रेस महाधिवेशन प्रतिनिधी रामरुप कुर्मी , काँग्रेस नेता श्याम पोखरेल लगायत जसपा र काँग्रेस दुवै दलका नेता कार्यकर्ताहरुको सहभागीता रहेको थियो ।