पर्सा, १४ असार
युथ कांग्रेस नेपाल प्रदेश नं २ ले आज “अक्सिजन फर नेपाल” कार्यक्रम अन्तर्गत प्रदेश नं २ का मुख्य मन्त्री लालबाबू राउत मार्फत ५ थान अक्सिजन कन्सन्ट्रेटर हस्तान्तरण गरेको छ।
युथ कांग्रेस अमेरिकाको आर्थिक सहयोगमा हाल सम्म ७ थान अक्सिजन कन्सन्ट्रेटर काठमाडौ ( जनता स्वास्थ केन्द्र आइसोलेसन सेन्टर-२) र प्रदेश २ (५थान) सहयोग गरिएको छ ।
विश्वव्यापी महामारीको रुपमा फैलिएको कोभिड १९को सम्भावित तेश्रो लहरलाई मध्यनजर गर्दै उक्त उपकरणहरु हस्तान्तरण गरिएको यूथ कांग्रेस नेपालको प्रदेश न. २ का सचिव प्रभात ठाकुरले बताउनुभयो ।
युथ कांग्रेसले निरन्तर जनसामुदयको सेवामा समर्पित रहेको प्रदेश नं २ का संयोजक रमेश राज ले बताउनु भयो । उक्त हस्तान्तरण कार्यक्रममा यूथ कांग्रेस नेपालको महोत्तरीका संयोजक निरज शर्मा र युवा नेता मनिष झा सहभागी रहेको ठाकुरले जानकारी दिनु भयो ।