वीरगन्ज,१८ भदौ :बाराको फेटा गाउँपालिकाले रसुवाको भोटेकोशी र त्रिशुली नदीमा आएको विनाशकारी बाढीबाट प्रभावित क्षेत्रका नागरिकको राहत, उद्धार तथा पुनस्र्थापनाका लागि १९ लाख २ हजार ६३३ रुपैयाँ सहयोग गर्ने निर्णय गरेको छ।
बुधबार फेटा गाउँपालिकाको कार्यपालिकाको बसेको बैठकले उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको गाउँपालिका अध्यक्ष रुस्तम अन्सारीले जानकारी दिए।
अध्यक्ष अन्सारीका अनुसार, गाउँपालिकाले विपद् व्यवस्थापन खर्च शीर्षकबाट ५ लाख ५ हजार रुपैयाँ , गाउँपालिकाका जनप्रतिनिधिको सेवा–सुविधाबाट १ लाख ६ हजार २८३ रुपैयाँ र स्थायी तथा करार कर्मचारीहरुको तलब–भत्ताबाट ५ लाख ८५० रुपैयाँ रुपैयाँ सहयोग गर्ने निर्णय गरिएको हो ।
त्यसैगरी गाउँपालिका अन्तर्गतका विद्यालयमा कार्यरत शिक्षक तथा कर्मचारीको तलब–भत्ताबाट ७ लाख ९० हजार ५०० रुपैयाँ संकलन गरि कोषमा जम्मा गरिने प्रमुख प्रशासकीय अधिकृत राकेश ओझाले जानकारी दिए।