वीरगन्ज,१६भदाैं:भाटेकाेशीकाे विनाशकारी बाढीबाट पीडितहरुका लागि वीरगन्ज महानगरपालिका वडा नम्बर १२ र १३ का मुस्लिम समुदायले नगद र खाद्यान्न,कपडा लगायतका सामग्री सहयाेग गरेका छन्।
मुर्लीस्थित अन्जुमन इस्लामिया (मूर्ली जामे र अबरार ) मस्जिदमा उनिहरुले बाढीपीडितहरुकाे राहतका लागि १ लाख ७१ हजार रुपैयाँ नगद तथा खाद्यान्न र कपडा लगायतका गरि २५ क्विन्टल सामग्री संकलन गरेर सहयाेग गरेका हुन्।
बाढीबाट प्रभावित तथा पीडित परिवारका लागि लागि अन्जुमन इस्लामिया मुर्ली–१२/१३, वीरगन्जले राहत संकलन गरि प्रधानमन्त्री दैवीप्रकोप उद्धार कोषमा नगद १ लाख ७१ हजार सहित खाद्यान्न र कपडा गरी २.५ टन राहत समाग्री उपलब्ध गराइएको असलम आलमले जानकारी दिए।