प्रमोद यादव
पर्सा, २४ साउन:पर्साको विन्दवासिनी गाउँपालिका–४ मधवलबाट प्रहरीले ३९ किलाे २५० ग्राम गाँजा र तीन वटा मोटरसाइकलसहित एक जनालाई नियन्त्रणमा लिएको छ।
शुक्रबार राति ११:५५ बजे इटियाहीबाट मधवलतर्फ जाँदै गरेका व्यक्तिहरूलाई नेपाल प्रहरी र सशस्त्र प्रहरीको संयुक्त टोलीले राेक्न खाेज्दा उनीहरू सवार तीन वटा मोटरसाइकल र तीन वटा झोला झाडीतिर फालेर भागेका थिए।
भागिरहेकामध्ये एक जनालाई प्रहरीले नियन्त्रणमा लिन सफल भएको थियाे। झाडीमा फालिएका झोला खोतल्दा ३९.२५० केजी गाँजा र छाडिएका तीन वटा मोटरसाइकल बरामद गरिएको प्रहरीले जनाएको छ।
नियन्त्रणमा लिइएका व्यक्ति, बरामद लागू पदार्थ र मोटरसाइकललाई आवश्यक अनुसन्धान तथा कारबाहीका लागि प्रहरी चौकी अमरपट्टीमा बुझाइएको सशस्त्र प्रहरी बल, नेपाल नंबर १३ गण हेडक्वार्टर पर्साका सूचना अधिकारी मोहनराज निरौलाले जानकारी दिए।