वीरगन्ज,९असार:साविक उपविजेता फ्रान्स फिफा विश्वकप फुटबलको नकआउट चरणमा पुगेको छ ।
फिलाडेल्फिया स्टेडियममा मंगलबार बिहान भएको खेलमा फ्रान्सले इराकलाई ३-० गोलले हराएकाे हाे । यो खेलमा कप्तान किलियन एम्बाप्पेले २ गोल गरे ।
उनले खेलको १४ औँ र ५४ औँ मिनेटमा गोल गरेका हुन् । पहिलो हाफ लगत्तै ठूलो पानी परेपछि खेल २ घण्टा रोकिएको थियो । दोस्रो हाफको ६६ औँ मिनेटमा उस्मान डेम्बेलेले गोल थपेसँगै फ्रान्सले ३-० गोलको अग्रता बनायो । त्यसपछि थप गोल हुन सकेन ।जारी विश्वकपमा यो फ्रान्सको दोस्रो जित हो ।
यसअघि पहिलो खेलमा फ्रान्सले सेनेगललाई ३–१ गोलले पराजित गरेको थियो । फ्रान्स २ खेलमा ६ अङ्क बनाएर नकआउट चरणमा पुगेको हो ।