वीरगन्ज,३१ जेठःपर्साको जगरनाथपुर गाउँपालिका वडा नम्बर ३ मरैया चोकस्थित खेतबाट प्रहरीले ठूलो परिमाणमा लागू औषध गाँजा बरामद गरेको छ । विशेष सूचनाको आधारमा खटिएको नेपाल प्रहरी र सशस्त्र प्रहरीको संयुक्त टोलीले खेतमा बेवारिसे अवस्थामा रहेको १ सय केजी गाँजा बरामद गरेको हो ।
मरैया चोकस्थित खेतमा चामलको पाँच वटा बोराभित्र भरेर राखिएको अवस्थामा १ सय केजी गाँजा बरामद गरिएको जिल्ला प्रहरी कार्यालय पर्साले जनाएको छ । उक्त गाँजा कस्ले र कहाँबाट ल्याएको विषयमा अनुसन्धान भइरहेको पर्साका प्रहरी नायब उपरीक्षक हरिबहादुर बस्नेतले बताए ।