बारा, ७ जेठ : राष्ट्रिय स्वतन्त्र पार्टी (रास्वपा) को बारा जिल्लाका संस्थापक सभापति चन्दन स्वर्णकारको पार्टी सदस्यता खारेज गरिएको छ। रास्वपाको केन्द्रिय समितिले स्वर्णकारलाई पार्टीको साधरण सदस्यसमेत नहरने गरि कारबाही गरेको हो ।
रास्वपाको केन्द्रिय अनुशासन आयोगको सिफारिसमा बैशाख ३० गते बसेको केन्द्रिय समितिको बैठकले स्वर्णकारको पार्टी सदस्यता खारेज गर्ने निर्णय गरेको बुधबार रास्वपा केन्द्रीय संगठन विभागका सचिव शंकर श्रेष्ठद्वारा जारी पत्रमा उल्लेख छ ।
पार्टी हित विपरीत काम गरेको भन्दै रास्वपाको केन्द्रीय अनुशासन आयोगले स्वर्णकारलाई कारबाही गर्न केन्द्रीय समितिमा सिफारिस गरेको थियो ।
यसअघि गत मंगलबारमात्रै रास्वपाको केसन्द्रय समितिको बैठकले बाराको जिल्ला समिति भंग गरेर नयाँ समिति गठनका लागि सम्पर्क विभागका समन्वय प्रमुख प्रदीप तिमल्सेना (साजन) लाई जिम्मेदवारी दिने निर्णय गरिसकेको छ ।