वीरगन्ज,२४ चैतःपर्साको पर्सागढी नगरपालिका वडा नम्बर ३ बडनिहार बिरुवागुठीको एक खाजा पसल (होटल ) मा जुवातास खेल्ने र खेलाउने गरी पाँच जनालाई प्रहरीले पक्राउ गरेको छ ।
बिरुवागुठीस्थित दिलमाया तामाङले सञ्चालन गरेको गौरे कटेज खाजा पसलबाट सोमबार प्रहरीले जुवातास खेल्दै गरेको अवस्थामा४ जना जुवाडे र जुवा खेलाउने होटल धनीलाई प्रहरीले पक्राउ गरेको हो ।
पक्राउ पर्नेहरुमा पर्सागढी नगरपालिका वडा नम्बर ३ कै ५७ वर्षीय वीरेन्द्र साह , वडा नम्बर ४ का ४० वर्षीय सुरेन्द्र चौधरी, पर्सागढी नगरपालिका वडा नम्बर ३ की होटल धनी दिलमाया तामाङ, वडा नम्बर ३ कै शीशीर तामाङ तथा पर्साकै वीरगन्ज महानगरपालिका वडा नम्बर ३१ का २७ वर्षीय अरबिन्द गौरो रहेका छन् ।उनिकहरुको साथबाट तीन सेट तास र नगद १५ हजार ५५ रुपैयाँ बरामद पनि भएको प्रहरीले जनाएको छ ।
इलाका प्रहरी कार्यालय पटेर्वासुगौलीबाट खटिएको प्रहरी टोलीले जुवातास खेलिरहेको अवस्थामा पक्राउ गरेको र उनिहरुविरुद्ध सार्बजनिक शान्ति विरुद्दको कसूर अन्तर्गत दफा १२५ को जुवा खेल्न नहुने अन्तर्गत आवश्यक कानूनी कारवाही प्रकृया अगाडि बढाइएको जिल्ला प्रहरी कार्यालय पर्साले जनाएको छ ।