काठमाडौं,२१चैतःराष्ट्रिय स्वतन्त्र पार्टी (रास्वपा)का सभापति रवि लामिछाने र राष्ट्रिय प्रजातन्त्र पार्टी (राप्रपा)का संसदीय दलका नेता ज्ञानेन्द्र शाहीबीच भेटघाट भएको छ । प्रतिनिधि सभाको उपसभामुख पदको निर्वाचन नजिकिँदै गर्दा शनिबार दुई नेताबीच भेट भएको हो ।
रास्वपाले डीपी अर्याललाई यसअघि नै सभामुख पदमा निर्वाचित गराइसकेको छ। संवैधानिक प्रावधानअनुसार सभामुख र उपसभामुख फरक–फरक दल र लिङ्गको हुनुपर्ने बाध्यता छ।
लामिछानेसँगको भेटपछि शाहीले फेसबुकमा तस्वीर राख्दै देश बनाउने महाअभियानमा एकजुट भएर अघि बढिरहेको बताएका छन् । ’विगतका दुःखहरूले हामीलाई कमजोर होइन, दृढ बनाएको छ। त्यसैले आज हामी एकजुट भएर देश बनाउने महा–अभियानमा अघि बढिरहेका छौं,’ उनले लेखेका छन् ।