बारा,३चैतःबारामा दुई वटा मोटरसाइकल एकआपसमा ठोक्किदाँ एक जनाको मृत्यु भएको छ।मृत्यु हुनेमा बाराकै सिम्रौनगढ नगरपालिका वडा नम्बर ५ का ४५ वर्षिय सुरेन्द्र महतो रहेका छन् ।
सिम्रौनगढ नगरपालिका वडा नम्बर ५ मा सोमबार बेलुकी बीआर ०५ एए ८४४४ र बीआर ३० भी ४६३७ नम्बरको मोटरसाइकललाई ठोक्किदा बीआर ३० भी ४६३७ नम्बरको मोटरसाइकलमा सवार महतो गम्भीर घाइते भएका थिए ।
घाइते महतोको कलैयनास्थित प्रादेशिक अस्पतालमा उपचारको क्रममा मृत्यु भएको प्रहरीले जनाएको छ। उक्त दुर्घटनामा घाइते भएका बीआर ३० भी ४६३७ नम्बरको मोटरसाइकल चालकको समाज अस्पताल कलैयामा र त्यही मोटरसाइकलमा सवार अर्का एक जनाको हिमाल अस्पताल वीरगन्जमा उपचार भइरहेको छ ।