काठमाडौं,२९फागुनः राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन)ले नेकपा एमाले अध्यक्ष केपी शर्मा ओलीका पिताको निधनप्रति श्रद्धाञ्जली अर्पण गरेका छन्। उनले सामाजिक सञ्जालमार्फत समवेदना प्रकट गरेका हुन्।
उनले पूर्वप्रधानमन्त्रीसमेत रहेका ओलीलाई ढाडस पनि दिएका छन्। उनले पिताजस्तो रक्षक कोही पनि नहुने बताए। ’पिताजस्तो गुरु कोही छैन, पिताजस्तो देवता पनि कोही छैन। केही समयअघि मात्रै पिता गुमाएकाले मलाई महसुस छ, पिताको अनुपस्थितिले जिन्दगीमा कति रित्तोपन ल्याउँछ, कस्तो अपूरणीय अभाव ल्याउँछ,’ उनले भनेका छन्।