वीरगञ्ज ५,फागुन :पर्सा निर्वाचन क्षेत्र नम्बर २ का उम्मेदवार अजय चौरसियाले पर्सागढी नगरपालिका वडा नम्बर ६ र ७ मा घरदैलो कार्यक्रम सम्पन्न गरेका छन्।
घरदैलोका क्रममा उनले स्थानीय नागरिकहरूसँग प्रत्यक्ष भेटघाट गर्दै उनीहरूको समस्या, सुझाव र अपेक्षाहरू सुनेका थिए।
स्थानीयवासीहरूले उम्मेदवार चौरसियालाई स्वागत गर्दै सकारात्मक प्रतिक्रिया दिएका छन्। कार्यक्रममा स्थानीय सहभागिता उत्साहजनक देखिएको थियो।
चौरसियाले जनताको विश्वास र साथ नै आफ्नो अभियानको मुख्य आधार भएको बताउँदै विकास, शिक्षा, स्वास्थ्य र रोजगारीका मुद्दालाई प्राथमिकतामा राखेर अघि बढ्ने प्रतिबद्धता व्यक्त गरेका छन्।
घरदैलो अभियान आगामी दिनहरूमा पनि निरन्तर जारी रहने जनाइएको छ।