बारा,१४माघ:बाराको परवानीपुर गाउँपालिका–१ रहरियाडीमा अज्ञात समुहले आमा र छाेराकाे हत्या गरेकाे छ।त्यहि परिवारका अरु तीन जना घाइते पनि छन्।
३२ वर्षीय रामेश्वर मण्डल र उनकी आमा ५२ वर्षीया सुमित्री देवीकाे टाउकाे काटेर हत्या गरिएको हाे।
प्रहरीका अनुसार बुधबार माघ १४ बिहान करिब ३ बजेको समयमा अज्ञात व्यक्तिले धारिलो हतियार प्रयोग गरी उनिहरुकाे हत्या गरेकाे हाे। घटनामा मण्डल परिवारकै अन्य तीन जना घाइते भएका छन्।
घाइते तीन जनाको परवानीपुरस्थित एलएस न्युरो अस्पतालमा उपचार भइरहेको र उनीहरूको अवस्था बारे थप विवरण आउन बाँकी रहेको प्रहरीले जानकारी दिएको छ।
हत्या कसले र किन गरेको भन्ने विषयमा हालसम्म खुल्न नसकेको भन्दै बारा प्रहरीले घटनाको अनुसन्धान भइरहेको जनाएको छ।