वीरगन्ज,१ माघ : नेपाली कांग्रेसका नेता तथा संविधान सभा सदस्य अजय द्धिवेदीले आँफु कांग्रेस छाडेर अन्य कुनैपनि दलमा नगएको प्रष्टिकरण दिएका छन् ।
बिहीबार केहि सञ्चारमाध्यममा प्रकाशीत समाचारमा आँफु रास्वपामा प्रवेश गरेको र रास्वपाको बालेन शाह पक्षबाट पर्सा क्षेत्र नम्बर १ को प्रतिनिधि सभा सदस्यको उम्मेदवारका लागि सिफारिस गरिएको भन्ने झुठो अफवाह फैलाइएको द्धिवेदीले बताए ।
मधेसखबरसंग टेलिफोन सम्पर्कमा कुरा गर्दै द्धिवेदीले उक्त समाचारको खण्डन गर्दै आँफुलाई बदनाम गर्ने नियतले कहिंबाट प्रायोजित समाचार मिडियामा आएको दाबी गरे ।द्धिवेदीले भने, त्यो कहिबाट प्रायोजित समाचार हो । म रास्वपामा वा कुनै अन्य पार्टीमा गएको छैन । म कांग्रेसमै छु ।
२०७९ को प्रतिनिधि सभा निर्वाचनमा कांग्रेसले तत्कालिन लोसपासंग गठनबन्धन गरेपछि पर्सा क्षेत्र नम्बर १ मा स्वतन्त्र उम्मेदवारी दिएपछि द्धिवेदीले उनिविरुद्ध अनुशासनको कारबाही गरेको थियो । तर हालै केहि हप्ता अगाडि मात्रै कांग्रेस केन्द्रिय समितिले द्धिवेदीसहितका नेताहरुलाई गरिएको कारबाही फिर्ता लिएको थियो ।