काठमाडौ,३०पुसःकाठमाडौंमा जारी नेपाली कांग्रेसको दोस्रो विशेष महाधिवेशनमा महामन्त्री पदमा विश्वप्रकाश शर्मा र प्रदीप पौडेलको मात्रै उम्मेदवारी परेको छ।
दुई महामन्त्री पदका लागि यसअघिका महामन्त्री विश्वप्रकाश शर्मा र यसअघिका केन्द्रिय सदस्य प्रदीप पौडेलको उम्मेदवारी परेको हो । सभापति पदमा भने यसअघिका महामन्त्री गगन थापाको एकल उम्मेदवारी परेको छ ।
बिहान ११ बजे सकिएको मनोनयन दर्ता अनुसार सभापति पदका लागि थापाको मात्रै तथा महामन्त्री पदका लागि शर्मा र ौडेलको मात्रै उम्मेदवारी परेको निर्वाचन समितिले जनाएको छ।यस्तै सहमहामन्त्रीका लागि बहादुरसिंह लामाले उम्मेदवारी दिएका छन्। कांग्रेसमा ८ जना सहमहामन्त्री रहनेछन्।
कुन–कुन पदमा क–कसले उम्मेदवारी दिएको भन्ने बारेमा निर्वाचन समितिले बुधबार दिउँसो १ बजे सार्वजनिक गर्नेछ। समिति संयोजक सिताराम केसीले सबै पदमा उम्मेदवारी परेको जानकारी दिए।
‘मनोनयन फारम वितरण र उम्मेदवारी दर्ताको सबै कार्यक्रम ११ बजे सकियो। सबै पदमा उम्मेदवारी परेको र दिउँसो १ बजे उम्मेदवारको नामावली प्रकाशन तयारी छ,’ उनले भने, ‘सकेसम्म सर्वसम्मत गर्ने कुरा छ, यो राजनीतिक पाटो भयो।’
बुधबार बिहान सहमतिका लागि सभापति शेरबहादुर देउवासँग थापा र शर्माले वार्ता गरेका थिए । तर वार्ता सफल भएन ।सबै पदाधिकारीका लागि मनोनयन दर्ता भए पनि दुई महामन्त्री थापा र शर्मा अहिले कानुन विद्हरूसँगको परामर्शमा छन् ।