वीरगन्जं,२४पुसःनेकपा माओवादी केन्द्रका नेता तथा मधेस प्रदेश सांसद रहबर अन्सारीले पार्टी छाडेका छन्। नेकपा माओवादीका अध्यक्ष प्रचण्डलाई सम्बोधन गर्दै अन्सारीले राजीनामा पत्र बुझाएका हुन् ।
पर्सा क्षेत्र नम्बर १ को (क) बाट प्रदेश सांसदमा निर्वाचित अन्सारीले बिहीबार अध्यक्ष प्रचण्डलाई दिएको राजीनामा पत्रमा भनिएको छ, ‘साहस, इमान र जोखिम तीनै कुरा पार्टीले त्यागिसकेको छ । म यो विरोधाभासको हिस्सा बन्न सक्दिनँ । यसै बोधका साथ म पार्टी सदस्यताबाट समाजवादी क्रान्ति जिन्दावाद भन्दै बिदा लिन्छु।’
प्रचण्डले केही दिनअघि नेकपा एकता सन्देशसभामा गाएको ‘इन्कलाब’ गीतका हरफ सम्झाउँदै रहबरले राजीनामा पत्र पठाएका हुन् ।
